Sidee Loo Doortaa Laptop Tayo Wanaagsan
« Casharkii Hore |
Waxyaabaha Muhiimka ah ee Laga fiiriyo ama Lagu xusho marka la iibsanayo Computer – Laptop
#AqoonKaal.com / Maxamed Cali
Ugu horayn inta aadan iibsan Laptop waxaa muhiim ah in aad ogtahay ujeedada aad u iibsaneyso iyo hawsha aad u adeegsan doonto:
- Ma waxaad u adeegsaneysaa qoraalada caadiga ah,
- Mase in aad ku duubto video ama ku agaasinto sawirro,
- Ma waxaad rabtaa Laptop fudud oo aad safar u qaadan karto,
- Mase Laptop feero weyn oo inta badan guriga uun aad ku adeegsato.
Haddii aad dooneyso Laptop aad u adeegsato hawlo fudud, sida Internet, Email, ama qoraallo caadi ah, waxaad iibsan kartaa computer raqiis ah, waana in aadan lacag iskaga khasaarin Laptop ku qalabaysan farsamo qaali ah oo aadan adeegsanayn.
Haddiise aad rabto Laptop aad u adeegsan karto hawlo culus, sida duubis/agaasimid Video, sawirro, naqshaddo, dhisme website, Gaming, iwm, markaa waa in aad xulato Laptop awood u leh oo hawshaas qaban kara.
Laptop ugu Wanaagsan
Mar haddii aan isla meel dhignay ujeedada aad u iibsaneyso Laptop, waxaan qoraalkan AqoonKaal.com ku eegi doonaa waxyaabaha muhiimka ah ee laga fiiriyo Laptop-ka si loo xusho farsamo ahaan, qurux ahaan, iyo tayo ahaanba kan ugu wanaagsan.
Haddii aad Amazon ka baarto Laptop, waxaad arki karta qoraal lagu taxay waxyaalaha uu Laptop-ku qalabaysan yahay, sida sawirka hoose ka muuqata. Markaa durbadiiba waxaad isweydiin kartaa: Waar-heedhe, adigaa yaab arkay’e, waxaan oo dhami maxay yihiin?
Marka aad si xeel dheer oo cilmi ah u fahamto waxyaabaha farsamo ahaan ugu haboon Laptop-ka, waxaad si kalsooni ah u xulan doontaa computer ku anfaca.
Waana kuwan waxyaabaha lagu xusho Laptop-ka.
Nooca Computerka (Operating System – OS)
- Windows 10 ama 11 (64-bit), ama ka casrisan
Waxa ugu horeeya ee aad go’aan ka gaareyso waa nooca Computerka.Ma waxaad rabtaa Windows, MacOS (Apple), Linux, ama Chrome OS. Nooca Operating system waxaa haboon in uu yahay nooc aad hore u adeegsatey ama fahamsan tahay qaabka uu u shaqeeyo.
Chrome OS inkasta oo qiime raqiis ah lagu heli karo, wuxuu u baahan yahay in lagu xiriiriyo khadka Internetka markasta oo la adeegsanayo, faylashana waxaa lagu xafidanayaa meel internetka ah sida Google Drive (Cloud), iwm. Sababtaas ayaa ardayda jaamacaduhu ku jecel yihiin Chrome OS maadaama ay heli karaan khad Internet joogto ah.
Haddii aad dooraneyso Windows, waxaa ugu dambeeyey Windows 11, in kasta oo weli la adeegsado Windows 10.
FG: Hubi in Operating System-ka Windows yahay 64-bit – oo ah farsamo la xiriirta sida degdegga ah ee computerku u maarayn karo faylal iyo barnaamijyo badan oo isku mar la adeegsanayo, (ha iibsan noocii hore ee 32-bit, waayo waa gaabis.)
Windows in uu yahay 64-bit si aad u hubiso, raac habkan:
Riix Start / Settings / System / About. Markaas eeg qaybta: Device specifications, gaar ahaan: System type, bartaas ka hubi 64-bit Windows.
Intaas marka aan isla fahamney, oo aad ga’aansatay nooca OS ee computer-ka aad rabto, waxaan eegi doonaa waxyaabaha kale ee lagu xusho Laptop-ka.
Maskaxda Computerka – Processor (CPU)
- 8.0 GHz Intel Core i9 CPU (Processor), 14th Gen. ama ka casrisan
Processor ama CPU (oo laga soo gaabiyey Central Processing Unit) waxaa lagu tilmaamaa in uu yahay maskaxda computerka oo kala hagta dhammaan amarrada uu computerku fulinayo hawlaha kala duwan. Sidaas daraadeed Processor waa qaybaha ugu muhiimsan computerka.
Waa in aad iska hubiso xawaaraha CPU Processor-ka (oo lagu cabbiro hal-beegga gigahertz – GHz). Tusaale ahaan 1.6GHz waxa ka sareeya 2GHz iyo 3GHz. Talo ahaan, Laptop-ka aad iibsaneyso waa in ugu yaraan uu ahaado 8 GHz CPU ama ka badan. Waa haddii aad hawl culus u adeegsaneyso Laptop-ka.
Shirkadaha ugu caansan ee sameeya Processor-ka waxaa kamid ah Intel iyo AMD. Waxaan qoraalkan si gaar ah ugu eegeynaa Intel CPU. Noocyadii hore ee Processor-ka waxaa ka mid ah Pentium, Celeron, Atom iyo Xeon.
Intel Processor (CPU) noocyadiisa waxaa ka mid ah: Intel Core i3, Core i5, Core i7, iyo Core i9, oo siday u kala lambar weyn yihiin u kala qaalisan. Core i3 waa kan ugu awoodda yar, halka Core i9 yahay kan ugu awoodda weyn marka laga hadlayo xawaaraha uu computerku hawlaha ku fuliyo.
Nooca CPU ee computerka waxaad ka ogaan kartaa halkan:
Riix Start / Settings / System / About. Markaas eeg qaybta: Device specifications, gaar ahaan: Processor, bartaas ka eeg CPU.
Tusaale ahaan, haddii lagu kala dooran siiyo saddex Laptop oo leh processor-rada kala ah:
- 1.6 GHz Intel Core i5 CPU, 7th Gen.
- 3.5 GHz Intel Core i7 CPU, 12th Gen.
- 8.0 GHz Intel Core i9 CPU, 14th Gen. – xulo kan, waayo waa kan ugu xawaare badan. “14th Gen” (14th Generation) waxay muujineysaa in uu yahay farsamada jiilka cusub ee Laptop-ka.
GPU (Graphics Card)
- NVIDIA GeForce RTX 4070 ama ka casrisan
GPU (oo laga soo gaabiyey “Graphics Processing Unit“) hawsha uu qabto waxaa ka mid ah in uu dardargeliyo sida degdegga ee Laptop-ku u fuliyo hawlaha culus ee lagu agaasimayo, sida: duubista iyo habaynta video-yada iyo sawirrada. GPU la’antiis computerka si degdeg looguma adeegsan karo maaraynta sawirrada iyo video.
Shirkadaha sameeya GPU waxaa ka mid ah Intel, AMD, iyo Nvidia. Sida caadiga ah waxaa Computerka korkiisa lagu dhejiyaa shirkadda iyo nooca GPU. Tusaale ahaan waxaad arki kartaa calaamadda: NVIDIA GeForce RTX 4060 ama Intel Arc, iwm.
GPU awooddiisa waxaa lagu cabiraa halbeegga GB (Gigabyte), sida 8 GB, 16 GB, iwm.
Si aad u ogaato nooca GPU ee ku jira Windows Laptop: Riix Start, kaddibna ku qor Device Manager, waxaa soo baxaysa shaashadda Device Manager. Riix fallaadha ka horeysa barta Display adapters. Halkaas waxaad ku arkeysaa shirkadda samaysay iyo nooca GPU.
Dedicated vs Integrated GPU
Waxaa jira laba nooc oo GPU ah oo ay tahay in aad fahamto, fiiro gaar ahna u yeelato, waana Dedicated (oo loo yaqaan Discrete) iyo Integrated GPU.
Integrated GPU waxaa lagu lammaaniyaa barta CPU oo uu itaalka/awoodda la qaybsado, halka Dedicated (discrete) GPU uu yahay gaarkiisa oo aan lala qaybsanayn itaalka uu hawlaha degdeg ugu fulinayo. Sidaas daraadeed, waxaa habboon in Laptop-ka aad xulaneyso uu lahaado Dedicated (discrete) GPU.
Tusaale ahaan Haddii la isbarbar dhigo:
- 8 GB NVIDIA GeForce RTX 3060, integrated GPU
- 8 GB NVIDIA GeForce RTX 4060, discrete GPU – xulo kan, waayo tirada 4060 ayaa ka weyn, kana tayo badan, tirada kale oo ah 3060, sidoo kale waa Dedicated GPU.
Maxay ku kala duwan yihiin CPU iyo GPU
CPU wuxuu qabtaa hawlaha caadiga ah ee computerka, halka GPU uu si khaas ah ugu hawl-galo wixii la xiriira garaafik ee computerka sida Video iyo sawirrada, sidaas daraadeed labaduba waa lama huraan in ay ku jiraan computerka.
Computerada casriga ah waxaa u sii dheer NPU (Neural processing unit), oo si gaar ah u qabta hawlaha la xiriira AI (Artificial Intelligence) ee loo yaqaan maskaxda macmalka ah.
Marka la soo koobo: processor-ka CPU iyo GPU, oo ay weheliyaan RAM ku filan iyo NPU (Neural processing unit), waxay suurtageliyaan in computerka si qoto dheer loogu tijaabiyo AI. Sidaas daraadeed haddii ujeedada aad computerka u iibsaneyso ay tahay in aad ku tijaabiso AI, markaa waa in aad tixgeliso in computerka uu ku jiro NPU.
Hard Drive (Mugga Computerka)
- 512 GB SSD (7200 rpm), ama ka mug weyn
Hard Drive oo ah qaybta kaydka computerka, waa meesha aad ku xafidayso qoraalada iyo macluumaadka aad ku kaydineyso Laptop-ka. Marka laga hadlayo qaabka ay u shaqeeyaan, waxaa jira laba nooc oo Hard Drive ah oo kala ah:
- HDD (Hard Disk Drive): Noocan waxaa weli laga helaa computero badan, inta badana waa riqiis, laakiin waxa uu computerka ku siyaadiyaa miisaan, waana kululaadaa, wuxuuna leeyahay guux badan..
- SSD (Solid-State Drive): Noocan waa ka guux yar yahay kan sare, islamarkaasna ka qabow yahay, laakiin waa ka qaalisan yahay. Xawaaraha ama sida degdegga ah ee Hard Drive-ku akhbaarta ku xafido waxay noqon kartaa 5,400rpm (revolutions per minute), ama kasii xawaare badan oo gaaraya 7,200rpm. Taas waa muhiim in aad ogaato marka aad iibsanayso computerka.
Waxaa la helaa computerro leh Hard Drive aad u mug weyn, tusaale ahaan, isbarbar dhig labadan:
- HDD 750 GB hard drive (5400 rpm)
- SSD 2TB hard drive (7200 rpm), kan dooro, waa 2 Terabyte.
RAM (Memory)
- 16 GB DDR4 RAM, ama ka casrisan
RAM (Random Access Memory) waxaa loo yaqaan xusuusta computerka, waa tan suurta gelisa in isku mar la furi karo barnaamijyo badan, sidaas daraadeed ha iibsan computer ay xusuustiisu RAM ay ka yar tahay 8 GB.
Waxaa muhiim ah in uu yahay nooca loo yaqaan DDR4 RAM – waxaa ka horeeyey DDR3 oo ay ku lingaxan tahay SDRAM – farsamadaas oo suurtagal ka dhigeysa in computerku uusan isticmaalin koronto badan, si degdeg ahna u furaya barnaamijyada.
Si aad u ogaato RAM-ka Laptop, raac habkan:
Riix Start / Settings / System / About. Markaas eeg qaybta: Device specifications, gaar ahaan eeg: RAM.
Haddii lagu dooran siiyo labadan computer:
- 8 GB DDR3 SDRAM, iyo
- 16 GB DDR4 RAM – kan door, waayo isagaa si degdeg ah u furaya barnaamijyo badan.
Shaashadda Computerka
Qaybaha ugu muhiimsan ee lagu xusho Laptop-ka waxaa ugu horeeya shaashadda (Screen), maadaama ay tahay meesha lagala soconayo hawlaha computerka. Sidaas daraadeed shaashaddu waa in ay noqoto mid qurxoon oo aan indhahu ku daalayn. Waana kuwan waxyaabaha muhiimka ah ee aad ka fiirineyso shaashadda:
Ballaca Shaashadda (Screen Size)
- 15.6 inches
Shaashadda computerku waa meesha aad waqtiga ugu badan eegeyso marka aad computerka adeegsaneyso, sidaas daraadeed waa in aaad xulato shaashad ku qalabaysan aaladaha cusub.
Ballaca shaashadda Computerka aad dooranaayso waxay ku xiran tahay hawsha aad u adeegsanayso computerka. Tusaale ahaan:
- 13 ilaa 14 inches: Waxa uu ku habboon yahay Laptop loogu talo safarka ama markasta aad qaadato,
- 15 inches: waa noocyada ugu badan ee la xusho marka computerka aadan marar badan qaadanayn,
- 17 ilaa 18 inches: waa shaashad ballaaran oo loo adeegsado computerada leh shaashadda ballaaran.
Qurubyada Shaashadda (Screen Resolution)
- 1920 x 1080 pixels
Shaashadda computerku waxay ka samaysan tahay qurubyo yaryar oo loo yaqaan pixels. Quryada badan macnaheedu waa in shaashaada laga daalacan karo macluumaad badan. Sidaas daraadeed, waa in aad xaqiijiso in shaashadda qurubyadeedu aysan ka yaraan 1920 x 1080 pixels (oo loo soo gaabiyo 1080p).
Tusaale ahaan kaddii la isbarbar dhigo:
- 1920 x 1080 pixels (1080p), iyo
- 3840 x 2160 pixels (4K), dooro kan, haddii aan qiimaha lacagtu xad-dhaaf ahayn.
Taabashada Shaashadda (Touch Screen)
Marka aad dooraneyso in Laptop-ka shaashaddiisu ku shaqayso taabashada – “Touch Screen”, waa in aad tixgeliso qodobadan:
- Bateri Degdeg u dhamayn: Computerka shaashaddiisu tahay “Touch Screen” waxa uu isticmaalaa koronto badan, taas oo yaraysa saacadaha uu ku shaqaynayo bateriga marka Laptop-ku uusan ku xiriirsanayn korontada.
- Qiimaha lacagta: Sida caadiga ah “Touch Screen” ayaa ka lacag badan marka la barbardhigo nooc computerka aan ahayn “Touch Screen.”
- Iftiinka bannaanka ka imanaya: Iftiinka cadceedda ama nalka ayaa dib kuugu soo laabanaya, taas oo aan u wanaagsanayn indhaha marka shaashadda la daalacanayo.
Sidaas daraadeed, haddii aysan muhiim kuu ahayn, shardi ma aha in shaashaddu tahay “Touch Screen”, balse haddii aad ku qabaneyso hawlo badan oo u baahan in gacanta lagu hago, sida farshaxan iwm markaa waa iibsan kartaa “Touch Screen.”
Iftiinka Shaashadda (Brightness)
- 300 Nits
Qoraalka sare waxaan ku soo aragnay iftiin sida cadceedda oo ka imanaya bannaanka shaashadda. Waxaa kale oo jira iftiin ama dhalaal ka soo baxaya shaashadda Laptop-ka, waxaana lagu cabiraa hal-beegga loo yaqaan nits,(Eraygu waxa uu ka yimid kelmadda Laatiinka ah ee nitere, oo macneheedu yahay “iftiimin“).
Iftiinkaasi waxa uu si wanaagsan u muujiyaa midabka shaashadda ka soo dhalaalaya, oo ka qayb qaata hanaanka wanaagsan ee loo daalacan karo shaashadda. Muuqaal wanaagsan ayeyna kusoo baxayaan shaxanka iyo sawirra lagu daalacanayo computerka.
Haddaba haddii lagu dooran siiyo Laptop leh shaashad iftiinka kasoo baxayaa uu yahay:
- 300 nits, iyo
- 500 nits – dooro kan, waayo si wacan ayaa shaashaddu uga iftiimeysaa gudaha.
Nooca Shaashadda (Screen Type)
- IPS ama OLED
Marka laga hadlayo tayada shaashadda Laptop-ka, waa in aad hubiso nooca shaashadda. Laptop-yada casriga ah shaashaddu waa nooca loo yaqaabn IPS ama OLED, oo macnaheedu yahay qurub kasta oo shaashadda ah waa iftiimayaa, waxaana arrintaasi xaqiijisaa khibrad wanaagga daalacashada shaashadda.
FG: Haddii shirkadda computerka aysan sheegin in nooca shaashaddu yahay IPS ama OLED, taas macnaheedu waa in shaashaddu aysan ahayn noocyadaas, waayo haddii kale waa ku faani lahaayeen in ay tahay nooca OLED ama IPS.
Haddaba, marka aad xulaneyso Laptop, tixgeli nooca shaashadda in uu yahay OLED ama IPS, gaar ahaan haddii aad computerka u adeegsaneyso agaasimida sawirrada iyo video.
Waqti-Shaashadda (Refresh Rate)
- 60Hz, 120Hz
Refresh rate waa tirada inta jeer ee ilbiriqsi kasta ay shaashadu is cusboonaysiiso. Arrintaasi waxay ka qayb qaadataa in macluumaadka laga daalacanayo shaashadda markiiba la arki karo oo aysan gaabis ahayn.
Refresh rate waxaa lagu cabiraa halbeegga Hertz (Hz), sida 60 Hz. Haddii tiraddaasi yartahay computerku wuxuu noqonayaa gaabis (lagging), oo waqti la sugo in xogto ka soo muuqaneyso shaashadda. Arrintaa waxaa aad loo dareemi karaa marka Laptop-ka lagu agaasimayo sawirro ama video.
Waqtiga Bateriga (Battery Life)
Marka aad iibsanayso Laptop waxaa muhiim ah inaad ogaato inta saacadood ee baterigu shaqaynayo koronto la’aan.
Noocyada bateriga waxaa ka mid ah lithium-ion (Li-ion) iyo Nickel-cadmium. Baytariyada lithium-ion ayaa ah kuwa ugu caansan looguna isticmaalka badan yahay sababtoo ah cufnaanta tamarta sare, cimrigooda dheer, iyo miisaanka yar.
Waxaa xusid mudan in aad fahamto bateriga Laptop-ku koronto la’aan shaqaynayo uu noqon karo kalabar (1/2) inta shirkadda samaysay ay ku xayaysiiso. Tusaale ahaan, haddii ay dhehaan baterigu wuxuu shaqaynayaa 12 saacadood, ku talo gal in uu shaqayn karo 6 saacadood.
Keyboard (Teebka)
Keyboard ama Teebka computerku waa meelaha ugu muhiimsan maadaama ay tahay halka aad qoraalada kaga qoreysid.
Waxaa jira Keyboard loo yaqaan (Backlit) oo leh nal kasoo baxaya xarfaha gadaashooda, kaas oo haddii Laptop-ka lagu isticmaalayo meel aan iftiin badan lahayn (habeenkii), markaa nalkaasi uu iftiiminayo teebka oo si fudud loo arki karo. Laakiin iftiinkaasi wuxuu sabab u noqdaa in uu isticmaalo batari badan oo yaraynaya saacadaha Laptop ku shaqaynayo koronto la’aanta.
Nooca USB Ports
USB (oo laga soo gaabiyey Universal Serial Bus), waxana uu qaabilsan yahay isku xiriirinta kombayutarada iyo aaladaha kale sida korontada, fiilada Internetka, TV-ga, iyo wareejinta xogta.
USB Type-C: Computerada casriga ah waxay leeyihiin nooca USB ee loo yaqaan Type-C oo marka computerka lagu xiriiriyo si degdeg ah u gudbinaya xogta.
USB 3.0 ports: oo loo adeegsado in computerka si fudud loogu xiriirin karo aaladaha ay ka mid yihiin Camera iwm. Waana in computerku leeyahay dhawr meelood oo ah USB 3.0.
3.5mm Audio: oo ah meesha lagu xiriiriyo fiilada suurtagelisa in lagu dhegeyso ama lagu duubo codka.
HDMI 2.1: Waa oo awood u leh in uu maqal iyo muuqaal ku gudbiyo hal fiilo.
Micro SD card: Waa meesha lagu xiro kaadhka yar ee lagu xereeyo xogta.
Waxyaabo Dheeraad ah oo Muhiim ah
Waxaad kale oo aad hubisaa in computerku leeyahay qaybahan:
Wi-Fi: oo ah aaladda suurtagal ka dhigeysa in computerku uu soo qabsan karo khadka Internetka ee silig-la’da (wireless) oo ah khad internet ah oo aan fiilo la adeegsanayn (silig-la’), waxaana farsamadaas noqon kartaa 802.11 b/g/n Wi-Fi.
Gigabit Ethernet port: oo ah meesha lagaga xiriirin karo fiilada khadka internet ah oo xawaare sare leh.
DVD/CD-ROM Drive: Laptop-yada casriga ah badankoodu ma leh meel loogu talo galay DVD/CD. (Sidaas daraadeed, ku xisaabtan in ay gabaabsi yihiin computerada leh DVD/CD maadaama xogta lagu xeraysan karo internetka sida Google Drive, DropBox, iwm.)
Mouse: Hage ama mouse wanaagsan oo gacan qabad leh ayaad u baahan kartaa.
Qoraalkaan AqoonKaal.com waxaan ku soo koobnay waxyaabaha muhiimka ah ee laga fiiriyo marka la xulanayo computer. Waxaan rajaynayaa in aad qoraalkaas ka faa’iidey, ama aqoon kororsi kaaga siyaadey.
Computer Laga iibiyey Canada/USA oo loola safrayo AFRIKA/Yurub
Laptop aad ka iibsatey Woqooyiga Ameerika haddii aad ula safrayso adduunka intiisa kale, waa in aad ogaato in korontada ay isticmaalaan Maraykanka iyo Canada ay tahay 110-volt, halka badanaa adduunka kale ay tahay 220 – 240 volts.
Computerada casriga ah badankoodu waa ku shaqeeyaan labada korontaba, laakiin waa in aad taas hubiso marka aad Laptop iibsaneyso .
Waxaadna ogaataa in godka korontada ee ku dhegan derbiga guryaha ee adduunka intiisa kale uu ka duwan yahay kuwa USA iyo Canada, sidaas daraadeed waxaad u baahan tahay “Universal Outlet Plug Adapter” taas oo lagu xiro afka hore ee fiilada korontada computerka si ay u gasho godka korontada ee derbiga.
FG: Marka aad iibsanaysid “Universal Travel Outlet Plug Adapter” waxaad dukaan-gadaha u sheegtaa in computerka aad ula safeyso Yurub/Afrika si aad u hesho mid ku haboon.
Hubi in computerku xamilayo korontada dalka aad u socoto ilaa 220 – 240V. Markaasna iibso birta fiilada lagu xiriirinayo ee aqbalaysta godka korontada ee dal ka baxsan USA iyo Canada haddaad computerka halkaas ka iibsatey.
- FG: Korontada Soomaaliya waa 220-240 Volts (halka U.S./Canada ay ka tahay 110-120 Volts)
Laylis – Tijaabi Aqoontaada Xulashada Laptop
Sidii aan kor kusoo xusnay, marka aad booqato Amazon, oo ka baarto Laptop, waxaa kuu soo baxaya bog lagu soo koobayo farsamada qaybaha kala duwan ee Laptop-ku ka kooban yahay. Mar haddii aad qoraalka sare si cilmi ahaan u fahamtey, waxaad go’aan ka gaari kartaa nooca Laptop-ka.
Haddaba, Laylis ahaan, fadlan ka jawaab labada computer (Laptop A iyo Laptop B) kan aad dooran lahayd – adiga oo is barbar dhigaya farsamadooda:
- LAPTOP A: 15.6” (2880 x 1800) OLED 550-nit 120Hz refresh rate Touch Display, Intel Core i9-13900H CPU, NVIDIA GeForce RTX 4060 GPU Graphics, 32GB RAM, 1TB SSD, Backlit Keyboard, Wi-Fi 6, Windows 11 Home.
- LAPTOP B: 15.6” (1920 x 1080) FHD IPS 300-nit 60Hz refresh rate Touch Display, Intel Core i5-12450H CPU, NVIDIA GeForce GTX 1630 GPU Graphics, 16GB RAM, 1TB SSD, Wi-Fi 5, Windows 11 Home.
Fadlan jawaabtaada ku qor qaybta jawaabaha ee hoose, sharraxaad koobana ka bixi sababta aad u xulatay Laptop-ka aad dooratay.
Qore: Maxamed Cali – AqoonKaal
Faafin: AqoonKaal.com | daabacay July 2014 | updated: May 2016 | Updated: August 2024
« Casharkii Hore |
Faafin: AqoonKaal.com
Qoraallada AqoonKaal kala soco: RRS | Email | Twitter | Facebook
Halkudheg: laptop
Halkan ka dhagayso Quraanka
Hargeysa - Magaalada Akhristayaasha ugu badani ka soo Booqdaan AqoonKaal.com
Twitter
LinkedIn
RSS
Ustaad Mohamed Ali, aad baad ugu mahadsantahay qormadan cimiyeysan, wax badan ayaanan ka faa’iiday runtii sidan oo kale noogu soo bandhig cilmiga insha allah.
Asc, Ramadan kariim, walaal Abdulshakur mahadsanid, waadna ku mahadsan tahay dhiiri gelinta, waana ku faraxsanahay in aad ka faa’iidey qoraalkan.
ASC Maxamed Cali walaal waad mahadsan tahay, runtii kama caajiso markii aan computer wax ku saabsan aqrinaayo siiba afsomaliga, aad ayaana ula dhacay maqaalkaan runtii… thanks again walaal
Asc walaal axmed adigaa mudan wanaag oo dhan.
Asc aqoontaada aad waqafka ka dhigtay ilaahey hakaa amaalmariyo adiguna u niyeyso sadaqo insh alaah, dad badan oon anigu kow ka ahay ayaa waxbadan kaa faa iiday runtii walina waxbadan oo khayr ah inaad noo soo wado ayaan rajeynayaa.
Madsanid walaal Abdisalam, insha Allah waan dadaali
Ramadaan kariim macalin Maxamed Ali wllhy macalin waxaad noosoo gudbisaa casharo runtii aad iyo aad tayo leh waxaanad nabartay waxyaalo badan oo aan la koobi karin
Maacalin waad mahadsan tahay waxaanan rajay nayaa in aad qaarkale noosoo wado oo aad noosoogudbindoonto
macalin qaali ah ayaad tahay
thks teacher
Maxamed Ali
mahadsanid walaa cadnaan
Asw,
aad baad ugu mahadsan tahay walala Maxamed qormadan oo runtii faaïido badan leh, waxaana rajaynayaa abaalkeeda rabbi inaad ka heli doonto u adeegista ummadda.
Ramadaan kariim
ramadaan kariim walaal luqmaan.
Ascwr
Macalin: Mahamed Ali aad iyo aad ayaan kaaga mahadnaqayaa sida wanaagsan ee hakrala aantaa ee aad bulshada soomaaliyeed wixii ilaahay ku baray ugusoo gudbinayso taana waxaan kaleeyahay “Ilaahay ajer iyo xasanaad aad u badan hakaa siiyo”
shaqsi mihiima ayaad bulshada utahaye
Macalinka iyo bahda aqoonkaal waxaan leeyahay Rabadaan Kariim danbigeenana ala ha inoogudhaafo bishan barakaysan
Asc, macalin max’ed cali aad iyo aad ayad ugu mahadsan tahay qormadaan cilmiga ka buuxo aad noosoo gudbisay waliba adigo muddo diyaarineysay.
Macalin waxan kaa codsaneynaa inad noo soo gudbiso software-da oo sharaxan tusaale ahaan; VIDEO EDDITOR SOFTWARE kaas oo lagu habeeyo video-yada sida backgroup-ka, qoraaladada video-ga lagu daro IWM.
THANKS MACALIN WEB-KA http://www.Aqoonkaal.com waa xulashadeyda koowaad.
RAMADAN MUBARAK MACALIN.
Ramadan Kariim, Zakaria.
Mahadsanid ustaad
ASC macalin Mohamed Ali walal ilaahay ajar iyo xasanaad aana lasoo koobi karin hakaasiiyo Jazaheedana Janatul Fardowsa hakaaga dhigo walal, Insha,allah walal waxkalena waaankaarajaynanaa
Thans
ASC Macalin maxamed aad ayaa kuusalaamy.qeeyr badan allah kusiiyo waanoo faa’ideeneysaa maasha alaah.miizaanka qiyaamo allah kuugu daro.Ramadaan kariim.
Walaalkayga qaaliga ahow ilaah ha kaa abaal mariyo aqoontan shurrud la;aanta ah ee aad u gudbinayso umada , waxaana leeyahay ka faa’iidaysta oo uga mahadceliya macalin Mahamed Ali Aadan Isse.
SHUGRAN AKHII CASIIS .
Asc, Asli aad ayaad u mahadsan tahay.
mahad sanid walaal mohamed Ali aad ayan ola dhacay una fahmay
illahay ajir iyo xasanaad aan lasoo koobi karin hakaa siyo
mahad sanid Ust Jazaakallah walal
Asc wr wb macalin aad iyo aad ayaad umahadsantahay ilaahay hakaa abaal mariyo Aduunka iyo Aakhiraba waxaanan rajaynayaa inaad noosii wadidoonto aqoontaas qaalig ah waxaan rabaa anigu inaan kuwaydiiyo su,aal
macalin keyboard ka malaxanibikaraa ?
mahadsanid macalin Eng Maxamed cali
Walaal cabdirasaaq suaashaas si fiican uma fahmin eee iisoo faahfaafi.
asc ramadaan kariim walal ajer iyo xasanaad badan allaha kaa siiyo wanaaga aad sameyneysid wax badan baan kaa faa,iideysanay ee halkaa kasii wad
ma shaa allaah ayaad ayaan idinkaga mahad celinaynaa deeqdaan aqooneed ilaahayn ahaydinka amaal mariyo duco uunbaan idiin wadanaa
Mahadsanid Macalin Jazaakallahu kheyr
MAASHAA ALLAH walaale ilaahay khayr hakaasiiyo , xaqiiiqdii waa talo iyo tusaale fiican oo dhaxal gal ah.
salaan qaaliya
Ku: macalin maxamed cali asalaamu caleykum
Bacdaslaam macalin ilahay waxaan kaagara jeynayaa kheyr iyo cimri dheer iyo cal wanaag san
Macalin waxa aan akh ristay cashar aad umuhim ah oo cin waan kiisuna yahay sida tan
Waxyaabaha Muhiimka ah ee Laga fiiriyo ama Lagu xusho marka la iibsanayo Computer – Laptop
Macalin su aasheydu waxay tahay xagee ayaan kaeegaa marka aan doonayo in aan iska eego
1—Processor (CPU)
2—Hard Drive
3—RAM (Memory)
4—Ballaca Shaashadda (Screen Size
5—Operating System
6—Saacadaha Beterigu Shaqaynayo (Battery Life)
Macalin waa iga xdhmay email aan klasoo xidhiidhi jiray ee cilmidoon1@hot
Asc walaal xirsi sida caadiga ah marka aad tagtid dukaamada lagu gado computerada waxaa computer kasta lagu xayaysiiyaa qaybahaas aad xustay oo markaas aad kaa xulaysid midka leh calaamadahaas
Sidoo kale xayaysiiska computerada ayaa lagu qoraa waxyaabaha uu kakooban yahaya eeg tusaalahan https://t.lenovo.com/us/en/laptops/thinkpad/l-series/l440/?sb=:00000025:000037A7:
Asc. ustaad Mohamed Ali. aad ayaad u mahadsan tahay macalim. waxaan rajeynayaa inaan aqoontaada ka faa’ideysan doono, insha Allah. Waxaan Alle kaga baryaa inuu ku siiyo liibaanta aduunyo iyo tan aakhiro labadaba. farxad ku waara adiga iyo familkaga.
Mahadsanid.
asc walaal waxan doonaya in aan iska xiro message ka yimaada facebook ee ku soo dhaco hotmail inbox
aqoonkaal aad u mahadsanthihin wax badan ayaan ka faaidnay howsha hala wado waad guuleysateen
walaal si aad isaga xannibtid dhambaalada kaaga soo dhacaya Facebook raac habkan:
1. Login qaybta Facebook-gaaga
2. riix SETTINGS oo ah dhanka midig ee kor xigta ee shaashadda Facebook
2. riix NOTIFICATIONS
3. Markaas OFF ka dhig qaybaha ay ku qoran tahay ON ee shashadda dhexdeeda
walaal waxaa idhibay markaan aqrisanay aqbaaraha xayeysin ee sideen isaga xanibaa salaamu caleycum
walaall qoraal caam ah ayaan kaga jawaabay su’aashaada ee ka akhri halkan iina soo sheeg in uu ku anfacay waakan qoraalku http://aqoonkaal.com/xannibaad-xayaysiis-website/
thnks sxb aad ayaad umahedsantahy keep going
Macallin maxamed ali aad baan kaaaga mahadinaynaaa barnaaamijta wacan eeed kudeeeqayso bulshadaaada … kaliyeeta waxaaa noo furan inaaan idin nidhaaahno kusiii dhiirrada horumar baaaxad leh
macalin maxamed ilahay haku xifdiyo wax fiican ayaanka faa iidnay website kaaga thanks a lot illahay cilmiga iyo cimriga iyo camalka hakuu barakeeyo
ones again thank you maclain
Asc walaal Xaafid Omar mahadsanid.
marka hore ASC macalinka maxamed alo aqookaal iyo dhamaan akhiyaarta aqoonkaal aad ayaan idiin salaamayaa rntii macalin aad ayaad mahad santahay abaalkaagana insha alah xaga ALLE ayaad ka heli doontaa aad ayaad mahad santahay
Asc, waxan aad uga faaiiday casharkaan aadba umahadsantihin aqoonkaaal siiba qoraha barnaamijhkan sigaara ayan ugu mahadceliya ilahay ha ina ka abaal mariyo waxa fiican aad bulshada somaliyeed uhaysan
Waxaan Aad ula Dhacay Sida aad U Dulmartay Hddna Meelaha Qaar Inaad is Dultaagto Waxaa ka Fiican in aad Faraha La Gasho
Graphics Vram Ee Gaming Ama Editable Software Avid Iyo Adobe 5th Generation Baa Ugu Qiimo Bdn CPU
Balse Dhamaan Waad Runtii Cilmi Intaan Ka Balaaran oo laga Eegi karo maba Jiro
Waad mahadsan Thy Mudane Inbdn Illahay haku Sharfo Aduun Iyo Aakhiroba Cilmiga Illahay haku Barakeeyo
waa macalin aad iyo aad u qiima abdan oo jecel umadiisa ineey wax bartaan si fudud aad iyo aad ayaan kuu taageerayaa kuguna mahad celinayaa macalin maxamed cali guleeyso waligaa
Walaal Sahal mahadsanid
Waxaan doo nayaa macalin inaan barto computerka bilawgiisa markaa maxaad iga caawinaysaa? Sideese ugu fudud ee loobaran karaa
walaal waad mahsantahay
aad ayaad umahadsan tihiin runti waxyaalo badan na website kan wu iga caawiyay waxyaalo badan na waan kabartay hadana hadi ilahay idmo in aan waxyaalo badan kafaaiido ayaan doonayaa aad ayaad umahad santihiin casharada computer ka kusaabsana soo badiya mise suaasha aan idin waydiyo ayaad iga jawaabaysaan ?
Asc Ramadan karim marka xiga waan kaaga mahad celineyna
Mr mohamed ali sida wanaagan ee cilmiga kugu jiro bulshadaada
ugu faaideeso allaha kheyr kuugu jaasiyo sida fiican af-somaliga
noogu soo gudisay waa cajiib kama aanan daalin in aqriyo
fadlan hanaga daalin in cilmigaaga iyo qoralkada wanagsan noso gudbisid.
Talo; hadii lagu darikaro video waan jeclaan laheen thnks bro
waad ku mahad santahay wll allah ha kaa ajir siiyo
waxaan joogaa caasimada Soomali ee Muqdisho aad baan ugu mahad celinayaa ustaad M/ed Cali sida faahfaahsan oo uu inoogu soo gaabiyey sida aan ku xulan laheen computerka aan rabno in aan iibsano
jazakallahu khayran walalka macalinka ah.
asc,walaalka qoraalkan iyo kuwa lamid ka ahi ee boggan ku jiro diyaariyay aad iyo aad baan oogu mahadcelinaynaa waxaana weydiin lahaay in qormooyinkan ay adeegsani karaan oo fasax uhaaystaan bareyaasha dadka bara cilmiga computerka maadaama uu af-soomaali fasiix ah ku qoranyhay?
mahadsanidiin
Asc walaal cabdirisaaq waad mahadsan tahay, macallimiintu waa uga sii faaiidayn karaan ardaydood insha Allah
Acww
Magaceeygu waa Hassan oo jooga somaliya Garahan Puntland,
Mansha ALLAH kheer ayaan ku rajeeynayaaa wll sida wanaagsan ee aad noogu sharaday mowducaan aad ayaana kaaga mahad celinayaa ajirkeedana ALLE haku siiyo,
macalin kheyr badan allaha ku siiyo casharo farabadan ayan ka faa,ideystay
webkaan
mahadsanid kun jeer
ad ayan uga mahad cilinayaa macalin aqon kal sida ad ibartay sida computer logato wana mahad santahay ustaad maxamed cali
maa shaa allah ilahay ha kuu naxriisto hana kuudanbe dhaafo runtii 2013 waxaan soobooqdaa websit kaan runtiii wax baan ka faa iiday ilahay hakuu naxriisto waxad noo faa iidaysay cilmi waxad ubixasay inaad kher iyo ajar kaheshid ilahy ha kugu garib galo wanagaga janadiina howhakaga dhigo insha allah jisaakumulahu kher insha allah
Asc, ustdka aad ayaan kuugu mahad celinayaa sababtoo ah hada ayaan u bixi rabay inaan soo gado Laptop sababtoo ah waxaa iga xumaaday kii hore, runtii ma aanan aqoon si aan u soo kala xusho waxaana ahay nin ka shaqeeya Website, waxaan kaaga baahnaa aqoon kale oo dheeri ah fadlan hadii aad waqti heli karto waxan jeclaan lahaa inan helo meel aan idinkala soo xiriiro…
Mahadsanidiin
Asc, ustaadii waan kaga mahad celinaa qormadaan cajiibka ah aad nala wadaagtey. waxaan rabay in;aad dib uéegid ku sameysan qoraal qaldan oo aan qiyaasayo inéy “typing error” tahay waa meel aad ‘inter’ soo qorteen oo an qiyaasayo ináad kala jeedeen ‘intel’ oo ah magaca shirkada ugu weyn ee soo sarta ‘CPU’s’.
Asc walaal Maxamed Xasan waa ku mahadsan tahay sixitaanka, waana runtaa oo Intel. Mahadsanid.
Asc wr wb aad baad u mahadsan tahay macalin ala cimriga hakuu barakeyo waad no faidaeysaye
Mahadsanid macalin
asc ustaad mohamed ali waad ku mahadsantahay talada fiicaan aad uga
fa’idaynayso thnks ustaad
masha allaah wad mahad santihiin inkastoo aan idinku cusbahay waxbaad ii bilawdeen
mahadsanid ustaad maxamed waxaa noqotay macalinkeyga cusub
السلام عليكم جزاك الله خيرا الجزاء
asc wll Allaha kaa abaal mariyo cadowgaagana Allaha kuuma jabiyo meelkastana Allaha kaa tiiriyo.
qoraalkan baahida aan uqabay Alle oo keliya ayaa og. waxan donayey inan laptop so gato oo weliba U.S.A u dirsado markan cawin dherada ayan ka donaya madama xilliga maqaalkan la qoray iyo hadda oo an helay ay kala fogtahay.
asc wll wan ku sugayaa thnks.
asc walaal meelo yar ayaan cusboonysiiyey, ogowna qoraalkani waa gundhig oo marka aad fahamtid qaybaha uu ka hadlayo waxaad xulan kartaa computer kasii casrisan.
wll waa mahadsantahay lakin iiga waran kala duwanaanshaha korontada labada dal-USA & SOMALIA- taas oo aan ku arkay websites qaarkood oo dhahaya USA waa 110 volt halkana wey ka duwantahay 100% wuu gubanaya laptopku. maxaa ka jira arintaas dhibse ma leedahay?
walaal qoraal kooban ayaan ku daray warbixinta kuna saabsan computer laga iibsado USA oo loola safrayo Afrika. haddii jawaabtaasi ku qancisay iisoo sheeg insha Allah
ustaad maxamed aad buu u mahadsan yahay runtii waa waxbarasho lacag la’aan ah Alle ha kaa abaal mariyo
Mahadsanid walaal Asad.
asc dhaman akhristayaasha
aadbaan kuugu mahadcelinayaa mclin mxamed cali waanu ka faa’iidnay qormadaan waxbadan bay natartay
waxaan kaloo umahadcelinayaa website yada dadaalka ugu jira say dadkooda uga saari lahayeen jahliga iyo aqoon darada
iyo horumar la’aanta dhanka computer-da waad mahadsantahay mxmed cli alle camalkaga hawanajiyo cimrigaagana hadheereyo
Drs iftin mahadsanid ducada iyo dhiiri gelinta. Ramadan kariim
thanks teacher
Aaaaad baad u mahadsantahy si kal iyo laab ayaan oga faa’idey macalin Alle haku xafudo
Aad ayaad umahadsantihiin
macalin sidee computerka Viber loogu isticmaalaa
Masha Allah aad iyo ayaad u mahadsantihiin Bahda AqoonKaal
hoay u socda sida aad bulshada soomaaliyeed uga caawineysaan dhanka technolog-iyada, ilaa iyo hadda aqoonkaal.com waa Web-ka kaliya ee i qancisay waana ku taxnaan doona Insha Allah.
Allaha idinka Abaalmariyo Caawinaadiina.
Mahadsanidiin.
mahadsanid walaal Ahmed bile.
Maansha allah,websitekan ama barkulankan aadka uqiimaha badan oo an mantaba helay aadbaan ugu riyaaqay,run ahaantiin wax badan ayaan ka faaiday .aadbaan ugu mahadcelinayaa qoraayaasha ka qayb qaata dhamantood websitekan .
,mida kale baan uga helau war bixintan .
guul iyo gobanimo
waad mahadsan tahay xiriirkaaga iyo dhiiri gelinta iyo niyad wanaagga. mahadsanid
waad mahadsan tahay macalin maxamed cali aqoonkaal khayr ayaan kuu rajayanaa markasta ilaahay ha kaaa abaal mariyo waxkastoo noo gudbiso kaasi oo anfac noo leh thk you so much
Walaahi ustaado waxbadan aynu Ku faa,idne masha,Allah marwalbana saas inoogu soogudbi insha,Allah
mahadsanid walaal Aqooon fiican baan ka faa iddey
Aad iyaad ayaad runtii noogu faahfaahisay mahadsanid
asc
walaal ad ayaad umahadsan tahay aqoontaadana ilaahay hakuu bara keeyo aad ayaan uga faaiiday qoraalkan waana kulaa xiriiri doonaa insha allaah
Macalin jazakallah sxb aad iyo ad ayaat u mahadsantahy waxayaabo anan kasi jirin ayaan kaa faa edeystey Allah ku barakeyo danbigadana Allah dhaaafo aqoonta Rabi kugu maneysteyna fafi sifo anagana uga faa edeysano mahadsanid walal
Aad iyo aad ayaa umahadasan tahy ustaad maxamed ali lkn suaal ayaan qabaa waxad isheegtaa computer ka aan iibsanaayo tusaale Somalia ayaan joogaa marka qofka iska ibiyaha ah kuma sheegaayo waa kanaa fican asaga kii ugu lagacta badan ayuu marwalba fiirinayaa marks hadaan rabo Computer dhan kasta kafican kaga qaadka kaga korantada kaga batter magaca uu leeyahay isheeg midkaan oo kale oo markaan tago aan dhihi karo computer hebal iga iibi adaa mahadsan
Masha Allah Waad ku mahadsatahay Sida wacan aad noogu sharaxday ustaad Alle ajar aan lasoo koobi Karin hakaa siiyo
Mahadsanid100% cilmi badan baan kaa faaidnay ustaad aad baad u mahadsantahay
m.a macalin waad ku mahadsantay sida howl karnimadu ku dheehantahay ee aad noogu faaiidausay jasaakalaah ustaad
Aad bad u mahadsanthy ustaad. Wax idea ah kama haysan laptop so ibsashadisana wa rabay. Thank you!
m.a macalin waad ku mahadsantay sida howl karnimadu ku dheehantahay ee aad noogu faaiidausay jasaakalaah ustaad